Imbutaktak ni Department of Migrant Workers (DMW) Secretary Hans Leo Cacdac a saan a naglosolos ti puesto ni sigud nga Overseas Workers Welfare Administration (OWWA) administrator Arnell Ignacio nu di ket sinesante ni Presidente Ferdinand Marcos Junior.
Segun kenni Cacdac nakastrek ni Ignacio iti maanomalya a transaksyon kas iti panaggatang ti daga nga aggatad ti P14-B a saan nga aprobado ti board ti OWWA.
Innayon pay ni Cacdac a nasukatan ni Ignacio gapo ti kaawan talek iti opisina na gapo paylaeng iti nasao a transaksyon.
Naserrek ti katulagan idi Setyembre 2024 ngem idi tawen 2023 pay a nagatang ti daga ken rimuar laeng ti deed of sale, absolute sale idi tawen 2024.
Impadanon na payen daitoy kenni Presidente Marcos ken kinunana a sagsaganaan dan ti kaso. Kabayatanna, ni Atty. Patricia Cuanan ti nangsukat kenni Ignacio kas baro nga OWWA Administrator.
