Saanen a palubosan ti Commission on Election (COMELEC) dagiti party-list organizations a mangusar ti nagan nga adda pakainaigan na kadagiti nalalatak nga TV shows ken tulong manipud ti gobierno wenno ayuda para inton sumaruno nga eleksyon.
Segun kenni COMELEC chairman George Garcia, agbalin dan ton nga strikto agsipud ta saanen nga umiso ti nasao a panangabuso kadagiti nagan ti telenovela. Nasken pay kunana a ti nagan ti party-list ket nakalinya kadagiti itantandudo da nga adbokasiya.
Ti nasao nga addang ket kalpasan a makaawat ti komisyon kadagiti pammabalaw kadagiti nagbalin a nagan dagiti Party-List nu sadino ket nangaramat dagitoy ti TV shows ken nagan dagiti ayuda ti goberno a saan met a mangibagi ti aniaman a panggep da.
