Inlawlawag ti Department of Justice ti nagbalin a desisyon ti Court of Appeals ti nagbalin a panagkeddeng kenni Leila De Limamainaig ti kaso na nga ilegal a droga.
Pinaglibakan ti departamento ti panagbaliktad ti nagbalin a sentensya nga ‘acquittal’ wenno pangabsuelto iti sigud a Senador ken itan ket incoming Congresswoman Leila De Lima.
Mamati da nga awan ti agbaliw kenn posible latta nga agtalinaed ti ‘acquittal decision’ ti korte a pumabor kenkuana.
Daitoy ti inbinglay ni Justice Assistant Secretary ken Spokesperson Mico Clavano mainaig ti baro nga addan ti Court of Appeals idi laeng kallabes.
Kabayatanna, impaganetget na met a saan a ni sigud a Senadora De Lima ti sentro ti naipila nga petisyon ti Court of Appeals.
Kinunana a ti petition for certiorari ket tapno paglawlawagen ti Regional Trial Court Branch 204 ti Muntinlupa nu apay nga inabsuelto da ti sigud a senadora ti kaso na nga adda pakainaigan na ti droga. Nakalanad iti dokumento wenno desisyon a naaddaan ti grave abuse of discretion iti biang ti lower court.
Innayon pay ni Justice Assistant Secretary Clavano a saan a karaman dagiti merito ti kaso nu di ket mainaig daitoy ti nasao a regional trial court.
Kinunana a ti Muntinlupa Regional Trial Court Branch 204 ti topiko nu sadino ket palpalawagen ken tarigagay a maamwan ti Court of Appeals nu adda a talaga ti grave abuse of discretion iti panangiggem iti nasao a kaso.
