Nailista manipud Disyembre 29, 2024 agingga Abril 26, 2025 iti pakabuklan a 212 nga kaso ti yellow fever, karaman dagiti 85 a pimmusay, segun iti World Health Organization (WHO)nu sadino dagitoy ket nagtaud manipud kadagiti lima a pagilian iti American Region.
Ti bilang dagiti kaso ita a tawen 2025 ket mamitlo a daras a nangatngato ngem ti 61 a kaso idi 2024, a mangipakpakita met ti nangato nga infection rate.
Sinuportaran ti WHO dagiti apektado a pagilian ti panangipatungpal da kadagiti addang mainaig ti naannayas a panagtaming ti gobierno iti kaso ken iti panagbakuna.
Inggubuay ti agdama a sitwasyon ti nangato a sylvatic transmission, nababa a sakop ti panagbakuna, ken limitado a supply ti bakuna, a mangpegpeggad met ti intero a rehiyon.
Impaganetget pay ti WHO ti kinapateg ti aktibo a panagbantay, napartak a panagadal kadagiti laboratoryo, koordinasyon ti baetan dagiti pagilian, ken panangpalawa ti masakopan ti panagbakuna tapno maliklikan ti panagwaras ti sakit.
