Inaprobaran ti Department of Public Works and Highways (DPWH) ti panagusar ti polyethylene terephthalate (PET) plastic bottle a mailaok kadagiti maaramid a kakalsadaan ditoy Pilipinas.
Maiyannurot daitoy ti pammmilin ni Presidente Ferdinand R. Marcos Jr. a nagkuna a mangbukel ti ‘resilient and sustainable infrastructure’ ditoy pagilian.
Babaen iti daitoy a teknolohiya, mairaman ti plastic bottles mixture para kadagiti aspalto a kalsada a nairanta tapno agpaot ti biag dagiti dalan sakbay a madadael.
Segun kenni DPWH Secretary Manuel Bonoan, manamnama pay dagiti kapada a polisiya kadagiti sumaganad a tawen – a mangital-o iti panagusar kadagiti waste materials iti panangipasdek kadagiti imprastraktura a mangparang-ay ti Pilipinas.
Iti plastic waste mixture ket paset ita ti DPWH Standard Specification ken karaman iti Project and Contract Management Application para kadagiti proyekto ti ahensya.
