Maysa pay nga high-ranking official ti Overseas Workers Welfare Administration (OWWA) ti na-dismiss gapo ti akem na iti kontrobersyal a P1.4-billion land acquisition deal, a rason iti pannakaikkat ni ti sigud nga Administrator da a ni Arnell Ignacio.
Segun kenni Department of Migrant Workers (DMW) Secretary Hans Leo Cacdac, sumaruno a maimbestigaran ni Deputy Administrator Emma Sinclair a simmaruno met a naikkat iti puesto gapo paylaeng iti mapagduaduaan a transaksyon.
Ti imbestogasyon ken tapno maammoan ti maiyannatop a kaso a maipila kontra kadagiti dua nga OWWA executive, a kangrunaan a suspek iti proyekto.
Sakbayna ket inlawlawag ni Cacdac a dagiti dua ket naikkat gapo iti maanomalya a transaksyon ken saan a basta laeng a nagresign iti puesto.
Naibutaktak iti land deal kalpasan nga ipilit latta ti OWWA management iti pannaaramid na nga uray pay saan met nga inaprobaran ti Board of Trustees ti ahensya, maysa a panagsurot iti Republic Act 10801 wenno ti OWWA Act.
Ti nasao a property ket pangipasdekan kuma ti maysa a halfway house para kadagiti Overseas Filipino Workers.
