Ipilit latta ti kampo ti naikkat a Mayor ti Bamban, Tarlac a ni Alice Guo nga isuna ket lehitimo a Filipino Citizen laksid dagiti nagtutuon a kaso kontra kenkuana.
Impaganetget daitoy ti kampo na kasaruno ti preliminary investigation sadiay Department of Justice nu sadino ket simmango a personal ti naikkat a Mayora.
Segun iti legal counsel na a ni Attorney Nicole Jamilla, nagturong isuda sadiay tapno ipresentar ni Alice Guo iti bagbagi na ken ti paset ti depensa da maibusor ti reklamo.
Kasaruno met iti panagturong da iti Department of Justice ket insubmitir dan dagiti ‘counter-affidavits’ kas sungbat kadagiti nagduduma nga alegasyon.
Sumangsango manen ni Alie Guo iti baro a kaso nga impila ti National Bureau of Investigation idi laeng kallabes, dua (2) ken tallo (3) a ulanen ti napalabas. Naipila ti reklamo a falsification of public documents idi bulan ti Marso mainaig kadagiti deed of sales ti real properties ni Alice Guo ken iti tax evasion kasta met iti graft complaint a panaglabsing ti Republic Act 3019 wenn Anti-Graft and Corrupt Practices Act.
Innayon ni Attoney Nicole Jamilla nga adda pay ti scheduled inton bulan ti Hunyo para ti panangisubmitir kadagiti kanayonan a sungbat ti kampo da.
