Sinungbatan ni sigud nga Administrator ti Overseas Workers Welfare Administration (OWWA) a ni Arnell Ignacio ti alegasyon mainaig paylaeng ti kontrobersyal a P1.4-B halfway house ti ahensya.
Segun kenni Ignacio, awan pulos ti napan kenkuana wenno kickback para iti nasao a transakyon.
Innayon na pay a ti nasao a property ket nakapanagan met iti Republika ti Pilipinas. Saan na payen a maaklon dagiti nagduduma a maibarbarsak kenkuana nga alegasyon, nangruna ket kinunana a dimmalan met iti usto a proseso ti proyekto.
Kinunana a tawen 2018 idi marugian ti halfway house ti OWWA para kdagiti OFWs ken nakikoordinar pay isuna kadagiti dadduma nga ahensya ti gobierno kas iti Department of Budget and Management (DBM) nga inadal ken ni-review pay ti Technical Working Group (TWG).
Inlawlawag ni Ignacio a Landbank pay mismo ti nangituding ti gatad ti property wenno ti daga, banag a tinungpal laeng ti OWWA.
