Pinasingkedan ni Department of Interior and Local Government (DILG) Secretary Jonvic Remulla nga adda ti napilin ni Presidente Ferdinnd Marcos Junior a baro nga hepe ti Philipine National Police (PNP) nga isu ket sumukat kenni PNP Chief Police General Rommel Francisco Marbil.
Segun iti sekretaryo, nagpatang dan ti Presidente ken kinunana a saanen a kasapulan pay a mangited ti rekomendasyon agsipud ta adda iti napili nan a sumukat kas baro a lider ti kapulisan ti Pilipinas.
Nupay kasta, saan paylaeng a mainaganan ti sumaruno a PNP chief ken innayon na a baybay-an nan a ti Presidente ti mangiyanunsyo ti iti daitoy iti kadarasan a panawen.
Kabayatanna, namaymayat met kunana a ti sumaruno a hepe ket maddaan iti napaot a termino para ti panangitultuloy kadagiti bisyon ti organisasyon ken panangitandudo iti kinatalged ti hanay da.
Mainayon iti dayta ket nasken a ti sumaruno a hepe ket addaan ti nadalus a track record ken nauneg ti kapanunotan ken kapadasan na mainaig ti panagpataray ti organisayon kasta met kadagiti operasyon tapno agbalin nga epektibo iti liderato.
Maipalagip nga agleppasen ti termino ni Marbil inton Hunyo 7 ken sumagmamano a kwalipikado nga opisyales ti PNP ti mapatta-patta a sumukat ti mabati na a posisyon.
Sumagmamano kadagitoy ket ni Lieutenant General Jose Melencio C. Nartatez Jr., Lieutenant General Robert Rodriguez, Lieutenant General Edgar Alan Okubo, Police Major General Nicolas Torre III, ken ni Police Major General Anthony Aberin.
