Plano a biagen manen ni Presidente Ferdinand Marcos Jr. ti orihinal nga akem ti National Food Authority (NFA) a kangrunaan a buyer ti locally produced rice dagiti mannalon.
Segun iti Presidente, kayat na a maisubli ti sistema nga intandudo ti ama na a ni sigud a Presidente Ferdinand Marcos Sr., nu sadino ket gumatgatang ti NFA ti palay tunggal apit tapno mapagtalinaed iti presyo ken mangiparuar ti bigas iti merkado tunggal lean season nu kasta ket saan a ngumato ti presyo daitoy.
Kadagiti napalabas a tawen, nalimitaran iti mandato ti NFA ti buffer stocking ken panagangkat ti bigas kalpasan a maipatungpal ti Rice Tariffication Law. Inlawlawag ti Presidente a nasken nga aktibo ti akem ti NFA kadagiti lokal a merkado.
Kinunana nga apaman maisubli ti daan a sistema ket dakkel a tulong para ti umdas a biruk dagiti mannalon ken nababa a presyo para kadagiti konsyumers.
Iti agdama ket mapagsasaritaanen ti administrasyon nu kasatno a maipatungpal ti panagsubli ti daan a sistema, karaman ti posible a panangituding ti minimum price para ti panaggatang ti palay ken panagpasayaat kadagiti pasilidad ti NFA.
