Impasiguradio ti Senado ken Kamara a kamaten ti ti panangipasa ti sumagmamano a priority bills ti administrasyon sakbay nga aglepppas ti 19th Congress inton 11.
Uppat a priority bills tinapagsasaritaan ti Legislative-Executive Development Advisory Council (LEDAC) meeting, kadwa ni Presidente Ferdinand Marcos Jr.
Segun kenni Palace Press Officer Undersecretary Claire Castro, dagiti nasao a priority bills ket dagiti sumaganad: National Government Rightsizing Program, Amendments to the Right-of-Way Act, Amendments to the Cooperative Code ,ken ti Proposed National Disease Prevention and Management Authority.
Iti maikawalo a Legislative-Executive Development Advisory Council ket impadamag da Senate President Chiz Escudero ken House Speaker Martin Romualdez a 32 manipud ti 64 legislative priorities ti 19th Congress ti napermaanen kas linteg ti presidente.
Iti agdama ket ururayen laengen ti Kongresong a mapirmaan ti presidente ti singasing a Capital Markets Efficiency Promotion Act, a mangtapyas met ti buis kadagiti stock transaction.
Pito a singasing a linteg ti agur-uray pay sadiay Bicameral Conference Commitee, uppat ti nakasalang idiay plenaryo ti Senado karaman ti National Government Rightsizing Program, panangidatag ti National Disease Prevention and Management Authority, ken ti pannaka-amyendar ti Right-of-Way Act ken Cooperative Code.
Ti biang met ti Kamara, kinuna ni Romualdez a maysa kadagiti (28) top priority measures ti LEDAC ti kasapulan da a palpasen kalpasan a pirmaan ti presidente ti 12 a singasing a linteg, innem sadiay Bicam, ken walo ti naiuli sadiay Senado.
