Dumanon ti agingga P7-B ti magastos para ti rehabilitasyon iti San Juanico Bridge iti kangitingitan ti pakaseknan dagiti tattao mainaig iti integridad ti istruktura, segun iti National Disaster Risk Reduction and Management Council (NDRRMC).
Babaen ti maysa a resolution, imbatad ti ahensiya nga aniaman a pannakatantan iti panangiruar ti pondo ket mangpakaro laeng ti krisis wenno para structural integrity iti rangtay.
Segun iti ahensya, mabalin nga agresulta dagiti restriksiyon ti nasao a rangtay ti agingga P600-M a binulan a lugio ti ekonomiya agsipud ta dumanon ti nasurok 14K a lugan ti inaldaw a dumaldalyasat kadaitoy.
Karaman kadagiti sektor a nakaro nga apektado ket ti food, fuel supply, healthcare services, commercial distribution, ken regional trade.
Naipatungpal ti limitasyon iti panagdalyasat dagiti lugan nga agdagsen ti tallo a tonelada sadiay San Juanico Bridge manipud pay idi Mayo 15, kasaruno ti assessment nga adda a talaga ti natakuatan a problem iti struktura ti rangtay.
Gapo kadagitoy a restriksiyon, naipasardeng ti panagdalyasat dagiti nadadagsen a cargo vehicles, a lalo pay a nakatantan ti pannakabiahe dagiti taraon, medisina, produkto pang-agrikultura, construction materials, ken dadduma pay a commodities sadiay Eastern Visayas.
