Pinaboran ti grupo dagiti mangmangged ti desisyon ni Presidente Ferdinand Marcos Jr. nga itantan paylaeng ti EDSA rehabilitation.
Segun kenni Federation of Free Workers president Attorney Sonny Matula, napateg nga adalen ti agbalin nga epekto ti rehabilitasyon nangruna nu narugiananen daitoy. Napateg a makabiruk pay dagiti otoridad ti napintas a dalan a mausar dagiti motorsista a maapektaran.
Maipalagip nga intantan ti maysa bulan ni Presidente Marcos ti panangpapirmis ti EDSA gapo ta makitkita na a napaot la unay ti dua a tawen ken mangigubuay daitoy ti nakaro a trapiko.
Napateg pay ti nainget a konsultasyon kadagiti nagduduma a sektor tapno mapagaritaan ti agblain nga epekto ti programa.
