Nagpanawagan ti Department of the Interior and Local Government (DILG) kadagiti lokal a gobierno a dagos a saganaan ti posible nga epekto ti dakes a paniempo nga ingubuay ti Habagat.
Daitoy ket kasaruno ti panangideklara ti state weather bureau nga opisyalen a nangrugi ti panawen ti panagtutudo.
Iti maysa a memorandum ket binilin ti DILG dagiti LGUs a siguraduen a nakasagana dagiti emergency teams da, evacuation centers, ken contingency plans. Nasken pay a mangisayangkat da kadagiti drills ken masansan a bantayan dagiti lugar a delikado ti layos ken panagreggaay ti daga.
Makuna a ti memorandum ket paset paylaeng ti Operation Listo Program ti ahensya a panggep a patibkeren ken natalged ti komunidad kabayatan ti tiempo ti didigra.
