Inlawlawag ni Department of Social Welfare and Development (DSWD) Secretary Rex Gatchalian a ti P80K a tulong pinansyal a naited ti babai a nakita sadiay imbornal idiay Makati a managan ti Rose ket saan a reward nu di ket tulong-pangkabuhayan a naipaay kas maibasar ti insayangkat nga assessment kenkuana dagiti social worker ti ahensya.
Kinuna ni Secretary Gatchalian a ti nasao a gatad ti kwarta ket saan a padpadakar nu ketdi ket naibasar iti kaso ni Rose ken ti kabibiag na.
Impaganetget ti sekretaryo a dagiti amin a gatad a maipapaay kadagiti nagduduma a programa ti DSWD ket maiyannurot iti pagalagadan, addaan iti naituding a minimum ken maximum a gatad, ken dimmalan ti nainget nga assessment.
Paset paylaeng ti programa a “Bahagi ng Oplan Pag-abot” ti DSWD ti tulong kenni Rose nu sadino ket aktibo a makikokorrdinar iti ahensya kadagiti pamilya nga adda kadagiti kakalsadaan.
Kabayatanna, kumiddaw met ti pammakawan ni Secretary Gatchalian kadagiti social workers wenno siasinoman a mabalin a napasaktan ti panagusar ti simbolo a titulo ti “honorary social worker” para kenni Rose.
Dagiti waragawag ket kasaruno ti naawat ti ahensya a nagduduma a komento mainaig iti naipaay a “honorary social worker” ken P80K para ti babai iti imbornal.
