BR LA UNION – Inpaka-ammo ni Valerie Lim agdama a Planning Officer III ti DepEd Schools Division of La Union a nakasaganan iti amin a pampubliko a pagadalan ditoy probinsiya, nasurok makalawas sakbay iti pormal a panagrugi iti klase para ti school year 2025-2026, inton June 16, 2025.
Segun kenkuana, immunan a nangipaulog ti division memorandum tapno i-dissiminate ti DepEd memorandum number 42 series of 2025 a napaulwan iti 2025 Brigada Eskwela Implementing guidelines.
Maisayangkat iti makalawas a brigada eskwela, manipud Hunyo 9 agingga Hunyo 13, ket iyaw-awis ti opisyal iti suporta ti komunidad para iti naan-anay a pannakapapintas ken pangisagana dagiti kasapolan para iti panagsubli dagiti agad-adal kadagiti eskwelaan.
Inpaka-ammo na pay nga umdas dagiti silid pagadalan para iti umadani a panaglukat ti klase noman pay limited laeng ti resources, inbatad na pay nga adda dagiti on going construction building iti umuna ken segundo a distrito ti La Union.
Innayon na pay nga nakailista iti nasurok kumurang 20,000 a bilang dagiti nagpalista para iti early rEgistration nga inwayat ti DepEd idi January 25 agingga February 15 partikular kadagiti incoming kinder, grade 1,grade 7 ken grade 11.
