Pinermaan ni US President Donald Trump ti baro a travel ban masalakniban iti Estados Unidos manipud kadagiti pangta ti gangganaet.
Maiparit itan nga umuneg ti pagilian da dagiti umili manipud 12 a pagilian, pakairamanan ti Afghanistan, Burma, Chad, Republic of the Congo, Equatorial Guinea, Eritrea, Haiti, Iran, Libya, Somalia, Sudan, ken Yemen.
Mainaig paylaeng iti desisyon ti napasamak a terror attack ti maysa a Jewish protest idiay Boulder, Colorado a ti suspek ket maysa nga indibidwal nga ilegal a nakastrek sadiay Estados Unidos.
Segun kenni Trump, pammaneknek laeng ti insidente iti peggad ti saan a nasayaat a panagpili kadagiti gangganaet a sumsumrek iti pagilian da isu ket kasapulanen iti wagas a panagpapigsa iti seguridad.
Binigbig ti FBI ti suspek a ni Mohamed Sabry Soliman, 45-anyos, a nangusar ti bombo tapno mauram dagiti demonstrador. Gapo iti inaramid na ket adu dagiti nadundunor a biktima ken nakatayan pay dagiti walo nga indibidwal.
Agtultuloy met nga im-imbestigaran dagiti otoridad ti insidente ken ibilang da daitoy kas ‘targeted terror attack,’ bayat a ti White House met ket nagtignay a ti baro a travel ban ket addang tapno mapagtalinaed ti kinatalged dagiti Amerikano.
