Karaman manen ti Pilipinas iti listaan ti ‘10 worst countries for workers,’ segun iti 2024 Global Rights Index ti International Trade Union Confederation (ITUC) a nairuar ita nga aldaw ti Biernes, Hunyo 6, 2025.
Maseknan met ita dagiti grupo a Workers Rights Watch gaya ng Kilusang Mayo Uno, Unyon ng mga Manggagawa sa Agrikultura, National Federation of Sugar Workers, Alliance of Concerned Teachers, Kilusan ng Manggagawang Kababaihan, Confederation for Unity, Recognition and Advancement of Government Employees, Public Services Labor Independent Confederation, Bukluran ng Manggagawang Pilipino (BMP), Migrante Philippines, ken ti Center for Trade Union and Human Rights agsipud ta maikasiyam itan a nagsasaruo a tawen a karaman ti Pilipinas iti nasao a listaan.
Malaksid iti Pilipinas ket karaman pay dagiti pagilian a Bangladesh, Belarus, Ecuador, Egypt, Eswatini, Myanmar, Nigeria, Tunisia, ken Turkey a saan a nasayaat a lugar para kadagiti normal a mangmangged.
Maibasar ti damag ket kadawyan a lablabsingen ti Pilipinas ti karbengan nga agwelga (87%), karbengan para iti collective bargaining (80%), karbengan a mangipasdek ken makisalip iti union (75%), ken iti karbengan para ti hustisya (72%).
Kabayatanna, kinuna ni Labor Secretary Bienvenido Laguesma a saan nga inkonsidera daitoy a panagadal ti araramiden ti administrasyon tapno maresolbaren dagitoy nga isyu.
Impaganetget na a nu pudno a karaman ti Pilipinas kadagiti pagilian a dakes para kadagiti mangmangged saan kuma a nabotosan daitoy kas miembro ti ILO Committee on Freedom of Association idi napalabas a tawen.
