Madama iti ti panagdengngeg ti kaso ni Erin Patterson, 50-anyos manipud Australia kalpasan a maakusaran ti panaglason kadagiti tallo a nataengan a kakabagian na a rason ti pannakatay dagitoy.
Segun kadagiti otoridad, indasar ni Patterson ti death cap mushrooms ti maysa a Beef Wellington idi Hulyo 2023 iti pagtaengan da sadiay Leongatha, Victoria.
Gapo iti makapatay nga uong ket pimmusay dagiti biyenan na nga isuda Gail ken Donald Patterson kasta met iti bayaw na a ni Heather Wilkinson bayat a kritikal ngem nabiag met ti asawa na a ni Ian Wilkinson. Kabayatanna, nainget met a pinaglibakan ni Patterson dagiti alegasyon ken kinunana nga aksidente laeng iti napasamak.
Nupay kasta ket natakuatan iti panagdengngeg dagiti otoridad iti search history ni Erin ti internet mainaig ti death cap mushrooms ngem insungbat na a saan na a malagip a nag search isuna ti makasabidong nga uong.
Nakkagun-od met ti interes ti publiko ti kaso ni Erin, nangruna iti media ken publications gapo iti naisangsangayan a kuwento na. Mainaig met iti kaso ket manamnama nga agleppas daitoy ita a tawen.
