Im-imbestigaran itan ti Land Transportation Office (LTO) dagiti 40 a district offices gapo iti panagproseso ti illegal Transfer of Ownership kadagiti lugan nakumpiskar kadagiti naisayangkat a police operation.
Pagpalpalawagen ni LTO Chief Assistant Secretary Atty. Vigor D. Mendoza II dagiti district heads mainaig iti napaneknekan nga intelligence reports ti illegal ownership transfer dagiti motor vehicle nga immunan a dinakamat ti Philippine National Police (PNP) kas technical carnapping.
Natakutan ti maysa a coordination meeting nga adda dagiti dadduma nga LTO district offices a karaman ti Unauthorized Processing of Cancellation of Transfer of Ownership ken ti duplication of Certificates of Registration.
Babaen iti daitoy a modus, dagiti narekobre a lugan ket ilegal a maiyak-akar ti baro nga agtagikua babaen ti baro a duplicated Certificates of Registration (COR) ken dadduma pay a documentation tapno agparang a valid iti transfer of ownership.
Naipadanon da payen kenni Department of Transportation (DOTr) Secretary Vince Dizon ti natakuatan a modus ken dagos na nga imbilin a makasoan amin a karaman. Mangiruar pay ti show cause order iti LTO kadagiti owners tapno personal a depensaan ti bagbagi da.
