Pinasingkedan ti pro-Palestinian a Freedom Flotilla Coalition (FFC) a pinilaan ken hinarang dagiti tropa ti Israel ti aid ship da a Madleen agturong idiay Gaza Strip. Karaman kadagiti tripulante ket dagiti 11 international activists kadwa ni Swedish climate activist Greta Thunberg ken maysa a journalist.
Nagbalin a nalatak ni Greta Thunberg gapo iti natured a panagkarit na kadagiti world leaders a mangaramid ti madagdagos nga aksiyon tapno masungbatan dagiti epekto ti climate change ditoy lubong.
Manipud ti inbinglay a ladawan ti grupo, makita a sakay ti British-flagged yacht a nakatugaw ken nakasuot ti lifejackets da Greta bayat a nakangato dagiti im-ima da. Immuna metten a kinuna ti FFC nga under assault iti international waters ti Madleen.
Kinunada a napalikmutan daitoy ti quadcopters ken sabsabwagan da pay ti paint-like substance, naputed pay ti komunikasyon sadiay Madleen karaman pay ti disturbing radio sounds.
Naglayag manipud Sicily iti Madleen idi Hunyo 6 ken panggep da a madanon ti Gaza ngem hinarang met ida dagiti soldado ti Israel.
Iti agdama ket awan pay ti sungbat ti Israel ngam nangiruar met ti video iti Israeli Foreign Ministry a mangipakpakita ti koordinasyon ti Israeli Navy iti Madleen ken al-allukoyen da daitoy a baliwan ti direksyon da.
Imbilin payen ni Israeli Defense Minister Israel Katz kadagiti tropa da a lapdanen ti Madleen a makadanon idiay Gaza. Pinagtalinaed da pay ti naval blockade sadiay coastal conclave tapno malappedan met a maipadanon dagiti armas a magun-od ti Hamas.
