Nabirukan ken nabigbigen ti bangkay ti pimmusay a Hamas leader idiay Gaza a ni Mohammed Sinwar.
Kinumpirma ti Israeli Defense Forces (IDF) a nadiskubre ti bangkay ni Sinwar ti maysa a tunnel iti uneg ti European hospital sadiay southern city ti Khan Younis.
Nadakamat ti pakabigbigan ti Hamas leader babaen ti DNA checks, nupay awan pay met ti naipubliko a kumpirmasyon manipud ti biang ti Hamas.
Segun kenni IDF spokesperson Brigadier General Effie Defrin, nakita da ti bagi ni Sinwar ti maysa a kwarto iti atiddog ken nakipet a tunnel.
Maipalagip a napatay ni Sinwar babaen ti air strike idi Mayo 13 a segun ti Hamas-run defense agency ket nangpatay kadagiti 28 a tattao ken nakasugatan dagiti dinosena nga indibidwal.
Nakita ti bangkay ni Sinwar iti abay ti napatay a commander metlaeng ti Hamas Rafah Brigade a ni Mohammed Sanabeh.
Nakita pay dagiti arawaten da Sinwar ken Sabaneh iti lugar karaman dagiti intelligence findings nga inyakaren ti Israeli Defense Forces para ti kanayonan pay nga imbestigasyon.
