Pinaregta ni Senadora Risa Hontiveros iti Senado ken Kamara nga ipasam ti gakat a minimum wage hike — nu sadino ket impaganetget ti senadora a saan a nasken a mabaybay-an daitoy ita nga asidegen nga agleppas ti 19th Congress.
Dua a sesyon laengen ti nabatbati ti agdama a Kongreso ket nasken a madakamat dan iti gakat a mangipaay ti panagngato ti sueldo kadagiti minimum wage workers ti pribado a sektor.
Innayon pay ti senadora a nasken nga agpaayaben ti bicameral conference committee tapno pagmaysaen ti nagduma a probisyon ti bersyon ti gakat a minimum wage manipud ti Kamara ken Senado.
Nupay kasta, nagpanawagan ti mamanda-linteg kadagiti pada na a senador, nangruna kenni Senate President Francis “Chiz” Escudero, a dagos nga aksyonan daitoy nga issue.
Iti kangitingitan met ti impeachment ket kinunana manen a nasken ket maikkan ti patas a panangipateg daitoy nga isyu.
