Agtalek ti liderato ti Department of Agriculture a mairuaren dagiti bakuna kontra African Swine Fever iti maikatlo a quarter ti agdama a tawen.
Kinuna ni Agriculture Secretary Francisco Tiu Laurel Jr. a ti nasao a bakuna agdama a nakapasidong ti genome sequencing ken naiturongen ti third party expert para ti panangaprobar.
Segun iti sekretaryo, apaman naaprobaranen ket ditan a maiyendorso ti bakuna iti Food and Drug Administration.
Inton agbalin met nga positibo ti feedback ti third party expert ket manamnama a mairuaren daitoy ti bulan ti Hulyo.
Sakbayna ket nagtataripnongen dagiti mangibagi manipud DA, Bureau of Animal Industry ken FDA idi Mayo 19 ken dinakamat da dagiti updates ti mapagpipilyan a bakuna para ti ASF ken avian influenza .
Paset pay daitoy ti tarigagay ti gobierno a salakniban ti hog ken poultry industry ditoy Pilipinas.
