BR LA UNION – Nagsapatan ni Senate President Francis ‘Chiz’ Escudero kas presiding officer ti impeachment court para iti pannaka-usig ni Vice President Sara Duterte.
Naisayangkat iti panagsapata ni Escudero kalpasan a pormal a nangidatag ti mosyon ni Senate minority Leader Aquilino “Koko” Pimentel a rumbeng a maluktanen ti impeachment trial gaputa adun dagiti napasamak a delays.
Inawat met ti Senado iti motion ni Senator Joel Villanueva nga amin a senador ket agsapata kas senator-judges iti impeachment trial agarop alas-4 ti malem inton bigat, Hunyo 10 ken inton Hunyo 11 nga ag-convene da iti impeachment court.
Maipalagip nga indatag ti House of Representatives idi Pebrero 5 ti impeachment complaints kontra kenni Duterte gapu iti “high crimes” kabilang iti corruption ken iti maipagarop a gandat a pammapatay kenni President Ferdinand Marcos Jr.
