Pinaboran ti Department of Health (DOH) ti gakat nga aramiden a 30/kph ti speed limit dagiti lugan kadagiti urban areas.
Kinuna ni DOH Secretary Ted Herbosa iti naangay a road safety event ket napintas daitoy a singasing manipud kenni Move as One coalition road advocate Robert Siy.
Kinuna ni Herbosa nga adu a biag ti maisalakan apaman a maaddaan ti umiso a limitasyon ti kinapartak ti panagpataray dagiti lugan.
Kayat na a satwen, nababbaba metten dagiti reports kadagiti aksidente iti kakalsadaan a kadawyan ket mangal-ala ti biag dagiti motorista.
Kabayatanna, impasiguro met ti Move as One Coalition a supsuportaran ni Department of Transportation (DOTr) Secretary Vince Dizon ti singasing, nangruna ta prayoridad iti ahensya ti kinatalged dagiti commuters, drivers, conductors, ken dadduma pay a stakeholders.
