Inallukoy ti maysa nga election lawyer ni Presidente Ferdinand Marcos Jr. nga i-veto ti singasing a gakat a mangitantantan ti Barangay and Sangguniang Kabataan elections (BSKE) a nakatuding met a maisayangkat inton Disyembre 1 ti agdama a tawen.
Impaganetget ni Atty. Romulo Macalintal a rumbeng a iklikan ti Presidente a a maulit ti biddut na nu sadino ket indeklara kas unconstitutional ti Korte Suprema ti Republic Act No. 11935 a panggep nga itantan ti BSKE idi Disyembre 2022.
Nalawag kunana a mangallilaw ti ti linteg a ti pudno nga epekto ket tapno itantan ti local election iti Disyembre ken maiyakar ti Lunes iti Nobiembre inton sumaruno a tawen, a mangpawayway met iti panagtugaw dagiti opisyales nga awanan iti public mandate.
Innayon na a ti reconciled bill ti Senado ken Kamara ket nilabsing ti constitutional rule a nasken ket maysa a subject laeng ti nalawag a nakailanad iti title ti maysa a legislative measure.
Sakopen ti reconciled bill dagiti tallo a nagsisina a topiko: umuna ket ti panangituding ti baro a termino dagiti BSKE officials manipud ti tallo a termino ket maaramiden anga uppat,; maikadua ket ti panangitantan ti eleksyon inton Disyembre 2025; ken maikatlo ket iti panangpawayway pay iti panagtugaw dagiti agdama a barangay ken SK officials.
Maipalagip a niratipikaran ti Kongreso idi Miyerkules ti bicameral conference committee report a nangituding ti uppat a tawen a termino manipud ti agdama a tallo. Napagkadwa iti bicam report ti Senate Bill No. 2816 ken House Bill No. 11287 a nanagamyendar met ti Local Government Code of 1991, partikular ti termino ken petsa ti panagisayangkat ti sumaruno a BSKE.
Maipatulod met daitoy iti Presidente para iti panagperma na nga apaman mapasamak ket maiatrasen ti BSKE iti umuna a Lunes ti bulan ti Nobiembre, tawen 2026.
