Umad-adu pay ti bilang dagiti Pilipino a nangipeksa ti pagayatan da a makaawiden ditoy Pilipinas.
Segun kenni Department of Migrant Workers (DMW) Secretary Hans Leo Cacdac, nagtaud kadagiti nagduduma a probinsya dagiti 150 a Pilipino idiay Israel a kayat dan ti makaawid. Malaksid iti dayta ket maysa met a Pilipino idiay Iran ti nagkiddaw iti gobierno para ti repatriation gapo payen ti agtultuloy a gyera ti rehiyon.
Kabayatanna, impasiguro met ti Overseas Workers Welfare Administration (OWWA) nga adda iti agur-uray a financial assistance nga umdas para ti dua a bulan a saan a panagtrabaho dagiti nasao a Pilipino gapo ti kumarkaro a gyera ti nagbaetan ti Israel ken Iran.
