BR LA UNION – Nalidem a mabukel a bagyo iti low pressure area (LPA) a nasaripatpatan ti PAGASA iti lumaod a paset ti Bacnotan, La Union.
Itay alas 4:00 ti malem, naudi a nakita ti LPA iti kaadayu a 170 kilometro laud ti Bacnotan, La Union.
Ti LPA ket mangigubway ti nakuyem a tangatang, mawaras-waras a panagtudo ken panaggarru-od idiay Metro Manila, La Union, Pangasinan, Bataan, Zambales, Oriental Mindoro, Occidental Mindoro, Batangas, ken Cavite.
Kabayatanna, ti Intertropical Convergence Zone (ITCZ) ket mangipaay ti nalulem a tangatang, mawaras-waras a panagtudo ken panaggarru-od idiay Surigao del Sur, Davao Oriental, Davao Occidental, Sarangani, ken Sultan Kudarat.
Idinto nga Easterlies ti mangapektar iti nabatbati a paset ti pagilian, babaen iti sagpamisan a panagkuyem ti tangatang, mapatto-pattok a panagarbis wenno panaggarru-od.
Ti init ket limnek itay alas 6:27 PM ken sumingising inton bigat, Huwebes, iti alas 5:28 AM.
