Inyanunsyo ti maysa nga opisyal ti U.S. State Department nga aglukat manen ti embahada ti Estados Unidos iti sabali a pagilian para ti aplikasyon dagiti student ken exchange visitor visas.
Nuay kasta, makiddaw met nga aramiden a ”public” dagiti estudyante nga aplikante dagiti social media profiles da para ti strikto a beripikasyon.
Maipalagip a temporario a naipaserra ti visa scheduling idi Mayo 27 kas maiyannurot ti pammilin ti administrasyon ni Trump kabayatan a mapirpirmis ti social media vetting.
Amin nga aplikante para ti F, M, ken J nonimmigrant visas ket kasapulan nga ited da dagiti social media accounts da kas paset ti strikto a background checking dagiti consular officers.
Panggep iti baro nga allagaden a masiguro ti kinatalged ken seguridad dagiti pagilian babaen iti naing-inget a panagadal kadagiti gangganaet a dumdumrek idiay Estados Unidos.
Kabayatanna, nakagun-od met daitoy ti nagpduduma a kritiko a nagkuna a labsingen na ti freedom of speech, partikular para kadagiti aplikante a mangiwarwaragawag ti panagsupota da iti Palestine ken mangbababalaw iti aksyon ti Israel idiay Gaza. Dagiti met dadduma ket inawagan da daitoy kas panaglabsing ti First Amendment ti konstitusyon ti Estados Unidos.
