Nangrugin iti manhunt operations dagiti otoridad idiay Italya kalpasan a mangipila ti reklamo ti maysa a museo mainaig kadagiti dua a turista a nakadadael ti napateg nga artwork kabayatan ti panagala da iti ladawan.
Segun iti Palazzo Maffei museum, mabuya iti CCTV ti aggayyem a turista nga agsinsinnublat a mangala ti ladawan ti “Van Gogh’s Chair,” maysa nga aramid ti artist a ni Nicola Bolla a nabalkot ti Swarovski crystals ken naka-label kas ”fragile.”
Nadadael da iti tugaw ken imbes a nagkonsulta kadagiti otoridad ket tinakasan da iti basol da. Inawagan ti museo daitoy kas ”every museum’s nightmare.”
Iti agdama ket pirpirmisen dan iti tugaw ken nupay dismayado iti artist ket indalan na latta daitoyen iti ang-angaw ken kinunana a daitoy ket maysa a ”performance art.”
