Imbutaktak ti Taiwan nga adda dagiti nasurok 70 Chinese military aircraft a nagtayab iti uneg ti teritoryo da kadagiti napalaba a 24 nga oras.
Ti insidente ket napasamak sumagmamano laeng nga aldaw kalpasan ti panaglayag ti United Kingdom idiay Taiwan Strait ken nagtultuloy metten ti China iti panangpapigsa ti presensya ken deployment kadagiti fighter jets ken naval vessels da idiay Taiwan.
Ipapilit ti China a paset ti teritoryo da iti isla ti Taiwan a pinaglibakan met iti nasao a pagilian. Iti sabali a bangir ket lalo pay a nakarurodan a nasingsinged pay iti Taiwan iti Estados Unidos ngem kadakuada a Chinese.
Idi laeng Hunyo 18 ket naglayag ti British Royal Navy patrol vessel HMS Spey idiay Taiwan Strait, nu sadino ket kinondenar daitoy ti China ken kinuna a lalo da laeng a mangpoprobokar iti gulo.
