Nagtulag ti Department of Energy (DOE) ken dagiti mangibagi ti downstream oil industry para iti ”staggered” wenno in-inut a pannakaipatungapal ti panagngato ti presyo dagiti produkto a petrolyo.
Daitoy ti ibilbilang da nga addang para iti panagngato ti sangalubongan a presyo ti langis gapo ti gyera idiay Middle East, partikular ti Israel ken Iran.
Segun kenni DOE Officer-in Charge Sharon Garin, panggep daitoy a wagas a solusyonan ti kellaat nga epekto kadagiti sektor ti transportasyon ken agrikultura. Nabilin metten dagiti kompanya ti langis a mangisubmitir ti detalye dagiti ”staggered” implementation da ita nga aldaw, Hunyo 23, sakbay nga agalas-sais iti rabii.
Pinaregta pay ti DOE dagiti kompanya a palawaen ti panangipaay ti fuel discounts iti transport sector.
