Nangipila ti petisyon ti Partido Demokratiko Pilipino (PDP-Laban) idiay Korte Suprema tapno kiddawen ti manu-mano a panagbilang kadagiti botos ti kina-Senador iti kallabes a 2025 midterm elections.
Kadwa ni Atty. Israelito Torreon ti panagipila ti motion for leave ni PDP-Laban Senatorial candidate Atty. Jimmy Bondoc tapno ipadanon ti supplemental petition for mandamus a mang-ulit ti panagbilang ti Senatorial votes.
Imbatad ti partido iti petisyon nga ipaima dan iti diskresyon ti Korte Suprema nu mangisayangkat da iti manual counting wenno recount kas maiyannurot iti agraraira a paglintegan ti eleksyon ken kinuna a ti kiddaw da ket maibasar iti Automated Election System Act at Omnibus Election Code.
Babaen iti Section 31 ti Republic Act No. 9369, naimandato ti tradisyonal ti manu-mano a panagbilang ti botos tapno masiguro a nawaya, patas, ken mapagtalkan iti resulta ti eleksyon.
Karaman kadagiti dinakamay nga iregularidad ti partido ket ti natakuatan nga equipment kas iti Starlink transmission devices ken solar panels ti maysa a pribado a pagtaengan sadiay Brgy. Buhangin, Davao City, a mangipakpakita ti posible a conflict of interest.
Mainayyon pay iti bulgar a saan a panagtitinnunos ti actual ballot ken resibo ti botos kasta met ti saan a pannakairaman dagiti nasurok 17 million senatorial votes iti tally kas overvotes.
