Pinasingkedan ni Secretary Hans Leo Cacdac ti Department of Migrant Workers a natalged da a sinundo dagiti 31 nga Overseas Filipino Workers a na-delay ti flight da nga agsubli ditoy Pilipinas.
Daitoy ket kasaruno ti temporario a panangipaserra ti Qatar iti airspace da nangitantan kadagiti scheduled repatriation flights dagiti Pilipino.
Kunana ket nakatutok dagiti opisyales ti gobierno, nangruna ti embahada ti Pilipinas a mapaawid dagiti Pilipino a naipit iti gyera ti nagbaetan ti Iran ken Israel.
Maiyannurot met daitoy iti direktiba ni Presidente Ferdinand Marcos Jr. nga asistaran ken ipasiguro ti kaadda ti koordinasyon ti pagilian ken kadagiti otoridad idiay Qatar.
Nakibiunnulig ti ahensya iti Qatari Ministry of Interior a nangidadaulo met ti repatriation dagiti Pilipino isu ket napalaos ti panagyaman ti Department of Migrant Workers.
Kiniddaw da a liklikan ti panangiwaras ti saan nga umiso nga impormasyon tapno saan a mapartruat dagiti ag-panic, kasaruno ti ballaag nga agtalinaed a kalmado, nangruna kadagiti OFWs idiay Middle East.
