BR LA UNION – Eksklusibo nga inbingay ni Bacnotan La Union Mayor Divina Fontanilla iti kapadasan na bayat iti ka-adda na idiay pagilian nga Israel ken inabutan ida ti air strike ti Iran.
Karaman ni Mayor Fontanilla kadagiti 21 nga government officials a nagturong idiay pagilian nga Israel para iti agricultural training.
Nagturong ti grupo idi Hunyo 7, kadwana dagiti 14 pay a local chief executives manipud nagduduma nga lugar ditoy pagilian, dua nga opisyal ti DILG ,ken uppat nga opisyal manipud Department of Agriculture.
Segun iti mayor, nabara iti panangawat ti Israel government kadakuada, ngem saan na a pagarupen nga ma-adaan ti air strike gapuanan ta napintas iti situasyon idi simmangpet da sadiay.
June 13 idi nagsasaruno nga mange-ganda dagiti agsasaruno nga missile air-strike iti pagnanaedan da nga hotel idiay Shefayim Kibbutz Israel.
Sakbay pay a mangrugi iti panagsanay da, naipasidong da iti orientation ken naipa-download kadakuada iti mobile application a maka-detect no adda maipatayab a pagpa-bettak ken inbingayna a namin-ado nga daras nga na-interrupt iti panagsanayda gapu iti alarm kadagiti teleponoda.
Inlawlawag pay iti opisyal dagiti palso nga impormasyon nga agwarwaras online a na-stranded dagitoy ken kinuna pay nga awan iti special treatment kadakuada sadiay.
Napalaos met iti panagyaman iti mayor gapu iti once in a lifetime experience a mairaman iti napagasatan nga nagsanay para iti agricultural training ken gastos amin iti pagilian nga Israel ken awan ti uray piso a naggapo iti pondo ti gobierno.
