Nagpakdaar manen ti Department of Agriculture iti publiko seknan ti panaggatang kadagiti smuggled sibuyas a mabalin a mangigubuay ti peggad salun-at.
Ti pakdaar ket kalpasan nga agpositibo ti E. coli ti sample ti ilegal a sibuyas a nakumpiskar babaen ti operasyon ti ahensya sadiay Paco Public Market idi napalabas a lawas.
Imbilin ni DA Secretary Francisco Tiu Laurel Jr. ti pannakakumpiskar dagiti naipuslit a produkto ken ti panaglabsing na iti Food Safety Act of 2013.
Nabilin pay ti Bureau of Plant Industry ken dagiti maseknan nga ahensya ti gobierno ken departamento a bantayan dagiti smuggled sibuyas kadagiti merkado ti intero a Pilipinas.
Innayon ti sekretaryo nga amin a dadakkel a sibuyas kadagiti merkado ket ilegal a naipastrek ditoy pagilian agsipud ta temporario a naipatalna iti import clearance para iti nasao a produkto.
Kummiddaw metten ti DA iti tulong ti PNP tapno matiliw dagiti adda iti likudan ti operasyon ti panagpuslit.
Daitoy nga addang ti ahensya ket direktiba paylaeng ni Presidente Ferdinand Marcos Jr. a pagsungbaten amin a karaman iti agri-smuggling nu kasta ket masalakniban dagiti lokal a maannalon ditoy pagilian.
