Agtaltalinaed latta iti smuggling kas kangrunaan a problema iti sektor ti agrikultura a palalo a nakaapektar ti presyo dagiti nagduduma a produkto.
Kinuna ni Department of Agriculture (DA) Spokesperson Assistant Secretary Arnel de Mesa nga iti agdama ket awan pay ti makitkita da a dakkel nga epekto ti gyera ti Israel ken Iran kadagiti presyo ti produkto.
Nupay kasta, ngimmato met ti presyo dagiti produkto a petrolyo gapo ti pannakaapektar ti exports dagitoy.
Kinumpirma met ni Assistant Secretary De Mesa nga ad-adalen da pay ti plano a maximum suggested retail price iti bawang ken sibuyas.
Kasaruno daitoy ket nagpakdaar isuna iti publiko mainaig ti panaggatang kadagiti imported onion kalpasan a matakuatan a kontaminado ti e-coli bacteria dagiti nasabat idiay Maynila.
