Nagpalagip ni House Committee on Information and Communication Technology chairman ken Navotas representative Toby Tiangco iti publiko nga agbalin nga alerto ken naannad kadagiti nagduduma a klase ti panag-scam babaen ti Artificial Intelligence wenno AI.
Naliday para kenni Tiangco a bayat nga makaab-abante ti Pilipinas iti teknolohiya ket agbalbalin met nga high tech dagiti scammers.
Dinakamat ni Tiangco nga adu dagiti mangar-aramat kadagiti video calls, nu sadino ket arig na agpaypayso a tao ti agsasao ngem AI-generated met gayam rupa ken boses da.
Nagballaag isuna iti am-amin a saan a basta-basta a mamati kadagiti resibo ti transaksyon ken patigayonen iti ag-double check ken ag-validate gapuanan ta kabaelan dagiti scammers ti agaramid ti peke a slip.
Nagpakdaar met isuna kadagiti karaman iti kastoy a krimen nga adda iti agur-uray kadakuada a pannakaibalud ti manipud 12 agingga 20 gapo iti panaglabsing ti Cybercrime Prevention Act, Anti-Financial Scamming Act.
