Itantandudo ni Parañaque 2nd District Representative-elect Brian Raymund Yamsuan nga aramiden a mandatory kadagiti commercial establishment ti panangikabil ti closed-circuit television (CCTV) systems iti uneg ken ruar ti pasdek kas panangsuporta kenni Presidente Ferdinand Marcos Junior a papigsaen ti kampanya kontra kriminalidad.
Segun kenni Yamsuan, iti panaglukat ti 20th Congress ket mangipila isuna ti singasing a gakat nga aramiden a mandatoryo para kadagiti business establishments ti panangikabil kadagiti CCTVs kadagiti entrances ken exits da, partikular kadagiti addaan ti 20 nga empleyado agpangato ken ti daily transactions da ket dumanon ti P50K.
“ Installing CCTVs in strategic locations in and around commercial establishments will help ensure public safety as these tools have been proven to be effective in deterring, detecting and solving crimes”
Sakopen daitoy dagiti pasdek-negosyo kas kadagiti restaurants, hospitals, malls, shopping centers, movie houses, theaters, supermarkets, groceries, entertainment centers, office buildings, warehouses, ken cockpit arenas nga obligado da a bantayan 24/7.
Babaen ti proposed legislation, adda iti probisyon mainaig ti data privacy and confidentiality a siasinoman nga aglabsing ket addaan ti maiyannatop a pannusa.
Innayon ni Yamsuan a kas miembro ti House Committee on Public Order and Safety ng 19th Congress ket adda dagiti gundaway a mabalin nga ipakita ti CCTV footage nangruna kadagiti maisayangkat a buy-bust operations.
