Nagtitipon diay Bangkok, Thailand ti nasurok 17K a raliyista tapno kiddawen ti panaglosolos iti puesto ni Prime Minister Paetongtarn Shinawatra, a kinuna da ket nangisagmak iti pagilian da iti sitwasyon ti ekonomiya gapo iti border dispute ti pagilian a Cambodia.
Segun kenni Panthrep Pourpongpan, lider dagiti nagprotesta idiay Bangkok, kidkiddawen da ti panaglosolos ni Shinawatra agsipud ta awanen iti makitkita da a problema nu di ket iti panangidaulo na.
Ipanpanawagan ti grupo iti panagikkat ni Shinawatra kalpasan iti panangbabalaw na iti Commander ti National Army ti Thailand ken nagpadispensar pay iti sigud a lider ti Cambodia a ni Hun Sen. Naammoan dagitoy babaen ti nag-leak a tawag ti telepono.
Pagaammo a maiparit idiay Thailand ti panangbabalaw iti publiko kadagiti militar gapo iti napigsa nga impluwensiya na iti pagilian.
Gapo iti daitoy ket dagos met a nagpakawan ti Prime Minister kadagiti insawsawang na a naamoan amin iti publiko. Iti agdama ket mamati dagiti umili ti Thailand nga imanmanipula ni Hun Sen ti pamilya Shinawatra.
