Inaklon ti Department of Public Works and Highways (DPWH) Secretary Manuel Bonoan nga uray napirmisen ti 30-anyos a floodgate idiay Navotas ket agkasapulan latta daitoy iti rehabilitasyon gapo iti kinaadaan na.
Impadamag ti lokal a gobierno ti Navotas a naapektaran dagiti sumagmamano a babbalay kasaruno a narsuod ti paset ti pader iti floodgate idiay Barangay San Jose gapo iti nangato a danom. Mainayon pay iti dayta ket nasserrek iti danom ti sandbag wall na.
Kabayatanna, kinuna ni Bonoan a madaman a mangisaysayangkat ti feasibility study iti ahensya ken ni Navotas Representative Toby Tiangco tapno sukatan iti floodgate.
Nangipaulog pay ti pammakdaar ti lokal a gobierno ti Navotas kadagiti residente gapo iti agtultuloy a layos kadagiti dadduma a lugar nga inggubuay paylaeng iti narsuod a pader.
