Imbilin ti Court of Appeals (CA) ti panangwaya-waya ti 81-anyos a ni Prudencio Calubid Jr. manipud Manila City Jail iti biddut a pannakaarestar kenkuana kas lider ti New People’s Army (NPA) ken consultant ti National Democratic Front of the Philippines (NDFP).
Segun iti korte, ti pannakaarestar kenkuan ket gapo iti mistaken identity laeng.
Ni Calubid ket maysa a construction worker manipud Olongapo City ken inarestar dagiti otoridad gapo iti biddut iti naallilaw a nagan ken pakabigbigan a saan met a dapat nga isuna iti target ti kapulisan.
Binabalaw ti CA ti Philippine National Police (PNP) iti kinakurang da ti imbestigasyon ken panangusar ti saan a beripikado nga impormasyon manipud ti social media.
Napartak met a kinondenar dagiti human rights group kas iti National Union of Peoples’ Lawyers (NUPL) iti insidente a makapadanag iti sistema ti bounty hunting iti gobierno a mangal-allukoy kadagiti otoridad a mangtiliw para iti reward imbes a para ti hustisya.
