Irekreklamon dagiti mangngalap idiay Taal Lake ti nakaro a pannakalugi ti panangibutaktak ni alias “Totoy” a pinapatay ken imbelleng da sadiay dagiti mapukpukaw a mammallot.
Segun kenni Laurel town Mayor Lyndon Bruce, kellaat a bimmaba ti panaglakoan ti ikan kasaruno iti isyu ng agtultuloy latta a bumabbaba agingga ita.
Adu kunana kadagiti consumers ti addaan iti negatibo nga impresyon kadagiti maal-ala sadiay ken saanen a gumatgatang kadagiti ikan a nagtaud idiay Taal Lake.
Marikrikna metten dagiti lokal a mangngalap ti epekto na, sumagmamano laeng nga aldaw manipud idi naammoan iti publiko iti kaso.
Laksid ti pasamak ket agtultuloy met nga iyal-allukoy ti Mayor kadagiti consumers a suportaran dagiti matiltiliw nga ikan agsipud ta nalinis met dagitoy.
Nagtignay pay isuna a nu agpayso nga adda dagiti naibelleng a bangkay iti waig ken uppat a tawenen iti napalpalabas, sigurado a nabuloken ken saanen a pangta ti salun-at dagiti agkonsumo. Nabayag a panawenen kunana ti tawen 2020 wenno 2021 a mapapati a napasamak iti insidente.
Ti Taal Lake ti maysa kadagiti kangrunaan a pagtataudan dagiti ikan kas iti tilapia, tawilis, ken bangus, nu sadino ket supsupplyan na ti Metro Manila ken dadduma pay a paset ti Calabarzon Region.
