BR LA UNION – Naisayangkat iti search warrant iti maysa a pagtaengan idiay Brgy. Linong Sto. Tomas La Union iti nagbaetan ti alas 6:00 ken alas 9:15 ti bigat idi kallabes nga aldaw.
Ti nasao nga operasyon ket maiyannurot iti search warrant nga impaulog ni Honorable Ethelwolda A. Jaravata, Presiding Judge, Regional Trial Court Branch 32, Agoo, La Union, a nakapanagan kenni alyas Greg, agtawen ti 46, Street Level Individual, awanan asawa ken residente iti nasao a barangay.
Natiliw daytoy gapo iti panaglabsing na ti RA 9165 wenno Comprehensive Dangerous Act of 2002.
Maibasar iti inisyal nga imbestigasyon ti Sto. Tomas Police Station, natiliwan iti suspek ti maysa a plastic sachet a naglaon ti mapapati a marijuana nga agbalor ti 267 pesos, tallo a pidaso ti plastic sachet a naglaon ti mapapati nga shabu nga agbalor met ti 6,800 pesos, double mint gum container ken maysa a cellphone nga agmaris ti asul.
Naaramid iti dokumentasyon ken inventory iti mismo a lugar ti operasyon babaen iti presensya ti suspek, NPS Representative kenni Brgy. Kagawad Emmanuel U. Bernal bayat a nairecord ti intero a pasamak babaen ti maysa nga Body Worn Camera.
Kabayatanna, iti suspek ket naiturong idiay La Union Medical Center, Agoo, La Union para ti physical examination, kalpasanna ket naiturong met laeng idiay Sto. Tomas Station para iti umno a dokumentasyon ken disposisyon.
