Makikoordinar ti Philippine National Police (PNP) iti Department of Information and Communications Technology wenno DICT tapno agtinnulong ti panangtaming iti panagsaknap ti Artificial Intelligence (AI) iti social media.
Segun kenni PNP Chief Police General Nicolas Torre III, makapadanagen dagiti agwarwaras nga AI-generated videos a panggep dagiti prominente ken nangangato a lider ti Pilipinas.
Idi laeng kallabes ket nagbalin a biktima ti AI-generated video ni Presidente Bongbong Marcos a nagpromote ti investment platform.
Gapo iti daitoy ket plano ti kapulisan a mangbukel ti programa tapno labanan ti saan nga umiso a panagusar iti nasao a teknolohiya.
Nagpalagip pay ni Torre iti publiko a saan a basta-basta a mamati kadagiti kapada nga post online mainaig ti investments tapno maliklikan ti scam.