Pinadayawan ni Vice President Sara Duterte ti Philippine Air Force (PAF) iti impamatmat da a kinatured ken sakripisyo para ti panangprotektar ti tangatang ti pagilian kasaruno ti panagrambak ti maika-78 a founding anniversary ti Hukbo ita nga aldaw ti Martes, Hulyo 1.
Kinablaawan ti Bise Presidente ti Hukbong Himpapawid ng Pilipinas ken impeksa ti pannakipamaysa iti napateg nga aldaw a simbolo iti natured a dedikasyon da para ti sinapataan a mandato ken panangsalaknib kadagiti Pilipino.
Mangnamnama met ni VP Sara a ti PAF ket agbalin nga umno iti panagserbi da ken mapagtalkan a gubuayan ti kinakapia ken independencia ti Pilipinas.
Nakasentro ti tema ti anibersaryo iti pannakaidatag ti Hukbo babaen ti panagbigbig ti outsanding PAF units ken personnel para kadagiti naisangsagnayan a performance da, operational excellence, ken saan a matibag a dedikasyon iti serbisyo.
Indauloan met ni Presidente Ferdinand Marcos Jr. iti selebrasyon sadiay PAF Multi-Purpose Gymnasium idiay Colonel Jesus Villamor Air Base, Pasay City.
