BR LA UNION – Naglukat ti dua a floodgate iti Ambuklao Dam kasaruno ti nalawa a panagtudo iti dackel a paset ti watershed area daytoy.
Ita nga aldaw, umabot iti 751.96 meters iti lebel ti danum iti nasao a dam, maibasar iti report nga inruar ti Hydrology Division ti state weather bureau.
Daytoy ket uppat a sentimetro laengen sakbay a naan-anay a dumanon iti 752 meters a normal high water level (NHWL) daytoy.
Iti napalabas a 24 oras, ngimmato manen ti 40 centimeters iti lebel ti danum iti nasao a dam, isunga nailukat iti dua a floodgate.
Nangiruar ti danum a 133.68 cubic meters per second manipud iti maysa a metro nga opening.
Daytoy ti umuna a gundaway a naglukat ti floodgate iti maysa a dam ditoy pagilian, sipud opisyal nga indeklara ti weather bureau iti panagrugi ti panawen ti panagtutudo.
