Awan pay ti nalawag a detalye ti Malacañang mainaig ti posible a pannakitaripnong ni Presidente Ferdinand Marcos Jr. kenni US President Donald Trump.
Segun kenni Palace Press Officer Claire Castro, awan pay ti naawat da a pormal a singasing para iti nasao a plano ken innayon nga iwaragawag na dagiti kanayunan nga updates kadagiti sumaganad nga aldaw.
Maipalagip nga iti umuna a paset paylaeng ti tawen 2025 ket nangipeksa ni Presidente Marcos ti interes a makitaripnong kenni Trump tapno dakamaten dagiti maipanggeo ti immigration, defense, ken trade.
Nupay awan pay ti pormal a panagtaripnong ket naaddaan met ti panagsarita dagiti dua a lider iti punpon ni Pope Francis.
