Inarestar dagiti kameng ti Philippine National Police – Aviation Security Group (PNP-AVSEGROUP) ti maysa a 55-anyos a Returning Pinoy seafarer a simmangpet idiay Ninoy Aquino International Airport (NAIA) manipud Hong Kong.
Segun iti PNP-AVSEGROUP, tiniliw da iti pasahero babaen koordinasyon ti Bureau of Immigration (BI) kenkuada kalpasan a mapasingkedan nga adda iti warrant of arrest ti marino para ti kaso a panaglabsing ti Section 5 (j) ti R.A 9262 wenno pagaammo kas Anti-Violence Against Women and Their Children Act of 2004.
Ti akusado ket adda itan ti kustodiya ti NAIA Police Station 3 para ti documentation ken legal nga aksyon. Nangituding met ti korte ti aganay P24K a piyansa para ti temporario a pannakawayawaya na.
